ثقافة وفن

بالدارجة - لبنى أبيضار عند الرمضاني: عيوش تكرفس عليا بزاف

لمياء الديلامي الاحد 09 سبتمبر 2018
Capture d’écran 2018-09-09 à 13.38.42
Capture d’écran 2018-09-09 à 13.38.42

AHDATH.INFO

اتهمات الممثلة المغربية المثيرة للجدل نبيل عيوش المخرج المغربي المعروف وولد نور الدين عيوش المثير للجدل حتى هو أنه تكرفس عليها بزاف وأهانها فالفيلم اللي نوض قربالة "الزين اللي فيك"

لبنى حضرات نهار الجمعة اللي فات فأولى حلقات الدخول الإذاعي ديال البرنامج المثير للجدل حتى هو للمرة الثالثة "قفص الاتهام" اللي كيقدمو الإذاعي المثير للجدل حتي هو للمرة الرابعة رضوان الرمضاني وحلات العافية وفتحات النار على ولد نور الدين وقالت أنه عطاها وعد باش مايدوزش بعض اللقطات اللي صورها ولكنه أخلف الوعد

الناس اللي متبعين السينما كيعقلو أن الراقصة نور كانت قالت نفس الهضرة على نبيل واتهماتو أنه دوز لقطات واعدها مايدوزهاش فالفيلم ديالو معاها. واش هادي قاعدة فنبيل ولا اتهام باطل وماعندو حتى أساس ؟ الله أعلم . المهم شوفو شنو قالت لبنى وحكمو نتوما، حنا ماشي شغلنا. حنا غير صوحافيين...

-4