AHDATH.INFO
فالأول منين قالوا لينا السي مصطفى الرميد قدم استقالتو حيت مريض، المغرب كلو تعاطف معاه. حتى أكثر خصوم الرميد شراسة وكاع اللي ماكيحملوهش قالوا « الله يشافيه الزغيبي ».
المرض مامعاه شماتة أو اختلاف. هادي زوينة فالمغاربة. ولكن منين عاوتاني تراجع وزير حقوق الإنسان على الاستقالة، حقا والواد بعدما قدم ليه العثماني شي اعتذار ما اعتذار على شي فالطة وقعات بيناتهم، هنا طاح اللويز وهنا نلعبو عليه خلاوها المغاربة أنفسهم..
المرض آسي مصطفى، حنا معاك، والله يشافي كاع المرضى، وفكاع البلايص ديال هاد الكوكب المنكوب. ولكن اللعب السياسي بهاد الشي ديال الاستقالة، خصوصا فعام الانتخابات، واقتراب التصويت والاقتراع، وداكشي اللي كينوض فالأحزاب السياسية المغربية الحالة هنا كنقولو ليك: « لا، ورصي معانا راسك الله يرحم بيها الوالدين، راحنا أصلا دايخين بلا ماتزيدنا دوخة هاهو با يطفا هاهو بايشعل، هاهو بين وبين ».