أكد الناخب الوطني وليد الركراكي أن استدعى يوسف بلعماري الظهير الأيسر للرجاء الرياضي لتعويض مزراوي المصاب، بسبب التقنيات التي يتوفر عليها، مضيفا أنه يعلم إمكانياته ومؤهلاته منذ أن كان في الفتح.
وقال الركراكي خلال الندوة الصحفية التي تسبق مباراة إفريقيا الوسطى:”بلعماري لعبتو على 18 أو 19 سنة فالفتح، وكان كيلعب فوسط ميدان لعاب ذكي وهاذشي اللي كيعجبني فيه وكيتأقلم بالزربة”.
وأضاف:”فشي ماتشات كنت لعبتو ظهير أيسر وحتى مع السلامي وأنا كنعرفو فالعقلية وفالكرة ديالو، جاتو الفرصة بعد الإصابة ديال مزراوي اللي كنتمناو ليه الشفاء ويرجع بسرعة”.
وتابع:”بلعماري كنت قلت فالندوة اللي فاتت أنو تقدر تجي نوبتو، وبالنسبة لنا مزراوي هو الأول وكاين آدم أزنو اللي دار ماتش مزيان وبغيتو يولف المجموعة، وما عندي حتى شي مخاوف من جهة يوسف اللي يقدر عطينا واحد التكاملية بالتقنيات ديالو ولكن باقي محسمتش واش غادي نبدا به غدا ولا حتال الماتش ديال الثلاثاء”.
