ساخرة.أنفو

التضبيع حلال التطبيع حرام !

هاني أبو الهناء الاحد 28 فبراير 2021
Capture d’écran 2021-02-28 à 11.36.25
Capture d’écran 2021-02-28 à 11.36.25

AHDATH.INFO

شي وحدين كيسحاب ليهم هاد الشي ديال المغرب وإسرائيل عاد بدا البارح، بمناسبة الاتفاقات اللي كتجمع الدول العربية بالكيان العبري.

لا آسيدي. هاد الشي قديم، وصحافيين مغاربة سبق ليهم كاع دارو حوار مع بنيامين نتنياهو بذات راسو، وبذات نفسو وشخصيا.

الصحافيان هوما علي وعلي. واحد عمار والثاني لمرابط، وسبق ليهم مشاو فرحلة مدفوعة الثمن، مسبقة الأتعاب حتى لتل أبيب ودارو أنترفيو زوين وعلى حقو وطريقو من الناحية الصحافية مع بيبي أو بنيامين، وديك الساعة ناض عليهم الغوت الجاهل وقالوا ليهم الناس « لا،آفشكاااال آمعلم هاد الشي، آماتديروش الحوار، آماتديروش خدمتكم »

المهم اللي زوين فهاد الشي كامل هو أن هاد الصحافيين السباقين هوما دابا اللي ولاو كينتقدو الصحافيين الآخرين اللي كيكتبو مزيان على تطبيع بلادنا مع إسرائيل، وفاش ماكيلقاو منين يشدو بنادم، كيقولو ليه « شفتي نتا والله حتى كتدير الحوار مع إسرائيل »

دابا كيفاش؟ التضبيع حلال والتطبيع حرام؟ ولا شنو زعما آسميتك؟؟؟؟