ساخرة.أنفو

على برة فداكشي ديال الجنس: اللي حصل يودي !

هاني أبو الهناء الاثنين 01 مارس 2021
download
download

AHDATH.INFO

من جيراري دوبارديو الممثل الفرانساوي الأكثر شهرة فالعالم، حتى لباتريك بوافر دارفور المذيع الفرانساوي اللي دار حوارات واعرة مع كبار القادة السياسيين فالدنيا، مرورا بريشار بيري الممثل الفرانساوي المعروف بزاف حتى هو، ففرانسا ماكاينش الضحك مع اتهامات الجنس صحة أو الاغتصاب أو الاتجار بالبشر

مشاهير سميتهم مفركعة، يلا طاحو، كيمشيو للمحكمة، وكيجاوبو على ريوسهم، وكيحاولو يثبتو أنهم أبرياء ومريضنا ماعندو باس.

فواحد البلاد كنعرفوها مزيان، اللي طاح من خوتنا فالله فشي فيلم بحال هذا كيقول ليك « هادي مؤامرة دولية عليا، مشاركة فيها الموساد والكاجيبي والسي آي إيه وعاد زيد عليها الإف بي آي ».

هذا هو الفرق بين دول التحضر والدول الأخرى: النساء مسألة مقدسة وحقوقها محترمة، وماهياش وعاء جنسي يفرغ فيه أي مكبوت مشاكلو ويزيد. لا. هي النص ديال المجتمع بالصح وأي مساس بها مساس بالمجتمع كلو.

نهار نفهمو هاد النويطة البسيطة غادي نديرو لاباااااااااس آسميتك.

في انتظار ذلك عاشت المؤامرات ولا عاش من خانها…