فهم تسطا...راجل باطما مزوج ببنتو؟؟؟

الإثنين 1 مارس 2021
هاني أبو الهناء
0 تعليق

AHDATH.INFO
راجل دنيا باطما البحريني محمد الترك قال أن دنيا هي بنتو قبل ماتكون مراتو.
هاد الشي اللي جا فالتغطيات ديال المواقع الجاهلة اللي تبلينا بيها فالإعلام المغربي لشي فيديو مافيديو ديال بعل دنيا قال فيه أن دنيا قبل ماتكون مراتو هي أصلا بنتو
داباا الناس اللي متبعين هاد التخربيق الأنترنيتي واللي كان تيسحاب ليهم أن حلا هي البنية الوحيدة ديال محمد من مراتو الأولى، تخالط ليهم الشغل وبداو كيقلبو فالتفاصيل والتقاسيم ديال دنيا على وجه الشبه بينها وبين والدها أو زوجها محمد
طبعا المسألة صعيبة، لأن دنيا دارت واحد العدد ديال العمليات التجميلية يفوق العدد ديال العدد ديال العمليات اللي دار الدكتور التازي من نهار احترف تزوير معالم وملامح الوجه الإنساني.
المهم اللي فهم شي حاجة يتصل بينا، حنا أصلا والله مافاهمين حتى بطة فهاد الشي كامل غير متبعينو وصافي

تعليقات الزوّار (0)