عبد السلام وادو: واحد الجوج دلكلمات ضروريين

الخميس 11 مارس 2021
هاني أبو الهناء
0 تعليق

AHDATH.INFO
هاد الشي اللي دايرينو بعض الخوت، ضد اللاعب الدولي المغربي عبد السلام وادو، من بعدما أعلن تأييدو للمرشح الجزائري زطشي ضد فلقجع خايب بزاف وداير فينا الضحك كاملين.
لقجع مرشح للفيفا بسميت المغرب، وهنا كنتمناو ليه النجاح لأن وصول عضو مغربي لديك الهيأة الكروية مسألة مهمة بزاف، ولكن عاوتاني باش نجردو عبد السلام من وطنيتو ونردوه بحال شي خائن حيت دار رد فعل على شنو تعرض ليه فوجدة، هنا خص شي حد يكون بعقلو يقول لهاد الحماق باراكا
عبد السلام ولد البلاد، ودري أصيل وأصلي بقا فيه الحال، حيت حشومة عاوتاني تكون لعايبي كبير ومساعد مدرب المنتخب اللي عاد ربح كاس إفريقيا وفالأخير يحرشو عليك الشيفور ديال الكار ديال الفرقة باش يضربك غير باش يجريو عليك..
الخوت الرجوع لله وحاولو تناقشو أمور الكرة بمنطق الكرة وخليو عليكم هاد الشي ديال التخوين راه والله ماخدام
لقجع براسو وماغاديش يبغي هاد الشوهة اللي دايرين له آغرارين عيشة

تعليقات الزوّار (0)